Գերաշնորհ Տ․ Խաժակ արքեպիսկոպոս Պարսամյանն Արեւմտյան Եվրոպայի Հայրապետական պատվիրակն է եւ Սուրբ Աթոռում Հայ Առաքելական Սուրբ Եկեղեցու ներկայացուցիչը։ Հոգեւոր Գերագույն Խորհրդի անդամ է, արժանացել է տարբեր երկրների գիտական եւ ուսումնական հաստատությունների պարգեւների:
Խաժակ Սրբազանն ունի աստվածաբանության դոկտորի կոչում, դասախոսել է ԱՄՆ-ում, Իտալիայում, Անգլիայում, Գերմանիայում, Երուսաղեմում, Հայաստանում: Սրբազան Հայրը ընդգրկվել է մի շարք կրոնական եւ բարեսիրական կազմակերպությունների ղեկավար մարմիններում՝ «Եկեղեցիների Ազգային Խորհուրդ», «Եկեղեցիների Միջազգային Խորհուրդ», «Խղճմտանքի Կոչ», «Կրոնն Ամերիկյան Կյանքում», «Ազգային տոհմիկ կազմակերպություններ», «Հայ օգնության ֆոնդ», Ամերիկայի Ս. Գրական Ընկերակցություն»։
