ՀԱՋՈՂԵԼ
«Հաջողել»-ը ծրագիր է նրանց համար, ովքեր ցանկանում են իրենց ներքին փոփոխությունը վերածել տեսանելի և կայուն կյանքի փորձառության։ Այս փուլը այն կետն է, որտեղ ներքին փոփոխությունը դառնում է տեսանելի՝ թե՛ մարդու համար, թե՛ նրա շրջապատի։
Այս փուլում մարդը սկսում է իր անցած ճանապարհը արտահայտել իրական կյանքում՝ սեփական որոշումների, հարաբերությունների և վարքի միջոցով։
Ծրագիրը կառուցված է համայնքային ձևաչափով, որտեղ անձնական պատմությունը դառնում է նաև հավաքական փորձառության մաս։
Ում համար է
«Հաջողել» ծրագիրը նախատեսված է այն մարդկանց համար, ովքեր՝
- ցանկանում են ամրապնդել իրենց ներքին փոփոխությունները,
- փնտրում են համայնքային աջակցություն,
- ցանկանում են ավելի վստահ առաջ շարժվել,
- ուզում են տեսնել իրենց անցած ճանապարհը որպես ուժի աղբյուր,
- պատրաստ են նոր քայլերի և պատասխանատվության։
Սկսի՛ր քո ճանապարհն այսօր
Այստեղ կարող ես բացահայտել քո ուժեղ կողմերը եւ կառուցել ապագան՝ քո արմատների ուժով
Ծրագրի ընթացքում
- Պանելային քննարկումներ մասնակիցների հետ
- Խմբային աշխատանքներ հյուրերի ու մասնակիցների հետ
- Թատերականացված ներկայացումներ
- Բաց քննարկումներ և փորձի փոխանակում սեղանների շուրջ
- Համայնքային ներգրավվածություն
Ծրագրի առանձնահատկությունները
- Համայնքային ձևաչափ
- Մասնակիցների ակտիվ ներգրավվածություն
- Փորձի փոխանակման միջավայր
- Թատերական և ինտերակտիվ մեթոդներ
- Հյուր, որը դառնում է մասնակցի փոփոխությունների ականատեսն ու վկան
Ինչ ես ստանում
- Վստահություն սեփական ընտրությունների հանդեպ
- Համայնքի աջակցություն
- Առաջ շարժվելու հստակություն
- Քո պատմության ամբողջական ընկալում
- Նոր մոտիվացիա և ապագայի հանդեպ հավատ
Արդյունքներ
- Երեք ծրագրերն ամբողջությամբ անցածների 79.3%-ը արձանագրել է բարձր դրական փոփոխություն
- Մասնակիցների 77%-ի մոտ նվազել են սթրեսի ցուցանիշները
- 79%-ը պահպանել է արդյունքները 6 ամիս անց
- Ծրագրի ընդհանուր ազդեցությունը գնահատվել է որպես երկարաժամկետ և կայուն
Ինչ են ասում մարդիկ
«Այս հանդիպումները ինձ համար դարձան շրջադարձային։ Դրանք օգնեցին հասկանալ իմ անցյալը և վերարժևորել իմ կյանքի պատմությունը։ Ես հասկացա, որ մեր անցյալի պատմությունը միայն կորստի ու ցավի պատմություն չէ․ այն նաև ուժի պատմություն է»։
Արուսյակ Գրիգորյան
«Ես կարողացա խոսել իմ ցավի մասին և հանդիպումներից հեռանալ հոգեպես թեթևացած։ Խմբում հասկացա, որ մենակ չեմ, և որ շատ ավելի ուժեղ եմ, քան պատկերացնում էի։ Սկսեցի նորից նայել դեպի ապագա»։
Քրիստինե Հակոբջանյան
«Հանդիպումների ձևաչափը շատ հետաքրքիր էր։ Դրանք օգնում էին հասկանալ, որ թուլանալով ու հանձնվելով որևէ խնդիր հնարավոր չէ լուծել։ Պետք է փոխես կյանքիդ որակն ու մտածելակերպը»։
Գայանե Հովակիմյան
«Ես հասկացա, որ բոլորիս ցավը շատ նման է։ Միասին մենք կարող ենք հաղթահարել դժվարությունները, դուրս գալ ճգնաժամից և նորից նայել առաջ»։
Լարիսա Գրիգորյան
«Ինձ համար կարևոր դարձավ առաջ նայելը։ Մենք այնքան էինք կենտրոնացել անցյալի վրա, որ նույնիսկ չէինք փորձում պատկերացնել ապագան։ Այս հանդիպումներից հետո ապագայի հանդեպ իմ պատկերացումները փոխվեցին»։
Հասմիկ Բարսեղյան
«Քանի որ հանդիպումները խմբային ձևաչափով էին, կարևոր էր այն զգացողությունը, որ բոլորը քեզ հասկանում են։ Խմբում յուրաքանչյուրն անցել էր նման ճանապարհով, և դա օգնում էր ավելի հեշտ ու արագ վերականգնվել»։
Մարինե Գաբրիելյան
«Հանդիպումների ընթացքում մարդկանց մեջ մեծ փոփոխություն էր նկատվում։ Շատերի մոտ մեղմվեց ներքին լարվածությունը, և մենք սկսեցինք ավելի հանգիստ ու բնական շփվել միմյանց հետ»։