ԱՊԱԳԱՆ ՍԿՍՎՈՒՄ Է ՔՈ՛ ՆԵՐՍԻՑ

«Այս հանդիպումները ինձ համար դարձան շրջադարձային։ Դրանք օգնեցին հասկանալ իմ անցյալը և վերարժևորել իմ կյանքի պատմությունը։ Ես հասկացա, որ մեր անցյալի պատմությունը միայն կորստի ու ցավի պատմություն չէ․ այն նաև ուժի պատմություն է»։

«Ես կարողացա խոսել իմ ցավի մասին և հանդիպումներից հեռանալ հոգեպես թեթևացած։ Խմբում հասկացա, որ մենակ չեմ, և որ շատ ավելի ուժեղ եմ, քան պատկերացնում էի։ Սկսեցի նորից նայել դեպի ապագա»։

«Հանդիպումների ձևաչափը շատ հետաքրքիր էր։ Դրանք օգնում էին հասկանալ, որ թուլանալով ու հանձնվելով որևէ խնդիր հնարավոր չէ լուծել։ Պետք է փոխես կյանքիդ որակն ու մտածելակերպը»։

«Ես հասկացա, որ բոլորիս ցավը շատ նման է։ Միասին մենք կարող ենք հաղթահարել դժվարությունները, դուրս գալ ճգնաժամից և նորից նայել առաջ»։

«Ինձ համար կարևոր դարձավ առաջ նայելը։ Մենք այնքան էինք կենտրոնացել անցյալի վրա, որ նույնիսկ չէինք փորձում պատկերացնել ապագան։ Այս հանդիպումներից հետո ապագայի հանդեպ իմ պատկերացումները փոխվեցին»։

«Քանի որ հանդիպումները խմբային ձևաչափով էին, կարևոր էր այն զգացողությունը, որ բոլորը քեզ հասկանում են։ Խմբում յուրաքանչյուրն անցել էր նման ճանապարհով, և դա օգնում էր ավելի հեշտ ու արագ վերականգնվել»։

«Հանդիպումների ընթացքում մարդկանց մեջ մեծ փոփոխություն էր նկատվում։ Շատերի մոտ մեղմվեց ներքին լարվածությունը, և մենք սկսեցինք ավելի հանգիստ ու բնական շփվել միմյանց հետ»։